കേരള സംസ്ഥാന ഭവന നിര്‍മ്മാണ ബോര്‍ഡ്
ഒരു കേരള സര്‍ക്കാര്‍ സ്ഥാപനം
ശ്രീ. ഇ ചന്ദ്രശേഖരന്‍
ബഹുമാനപ്പെട്ട റവന്യൂ, ഭവന വകുപ്പ് മന്ത്രി
Mobile No. : 9447672200
Phone No. : 0471- 2333670
E-Mail : min.rev@kerala.gov.in
കേരളത്തിലെ അറിയപ്പെടുന്ന പൊതുപ്രവർത്തകനും സി.പി.ഐ. നേതാവുമാണ് ഇ. ചന്ദ്രശേഖരൻ. കാസര്‍കോട് പെരുമ്പള സ്വദേശി. എ ഐ വൈ എഫിലൂടെ സംഘടനാ പ്രവര്‍ത്തന രംഗത്തേയ്ക്ക് വന്നു. കാസര്‍കോട് ജില്ല രൂപീകരിക്കുന്നതിന് വേണ്ടി നടത്തിയ പ്രക്ഷോഭ സമരങ്ങളില്‍ നിര്‍ണായക പങ്ക്. ഗ്രാമവികസന ബോര്‍ഡംഗം, കേരള അഗ്രൊ മെഷിനറീസ് കോര്‍പറേഷന്‍ (കാംകോ) ഡയറക്ടര്‍, കെ എസ് ആര്‍ ടി സി സ്റേജ് പുനര്‍നിര്‍ണയ കമ്മറ്റിയംഗം എന്നീ പദവികള്‍ വഹിച്ചിട്ടുണ്ട്. നിലവില്‍ സംസ്ഥാന ലാന്റ് റിഫോംസ് റിവ്യൂ കമ്മറ്റിയംഗം, ബി എസ് എന്‍ എല്‍ കണ്ണൂര്‍ എസ് എസ് എ അഡ്വൈസറി കമ്മിറ്റിയംഗം എന്നീ സ്ഥാനങ്ങള്‍ വഹിക്കുന്നു. 2005 മുതൽ സി.പി.ഐ സംസ്ഥാന സെക്രട്ടറിയേറ്റ് അംഗമാണ്.

ഇപ്പോൾ അദ്ദേഹം കേരള സംസ്ഥാനത്തെ റവന്യൂ,ഭവന വകുപ്പ് മന്ത്രിയാണ്. കാഞ്ഞങ്ങാട് നിയമസഭാമണ്ഡലത്തെയാണ് അദ്ദേഹം പ്രതിനിധീകരിയ്ക്കുന്നത്.

കാസര്‍കോട് പെരുമ്പള 'പാര്‍വ്വതി'യിലെ പരേതരായ പി കുഞ്ഞിരാമന്‍ നായരുടെയും ഇ പാര്‍വതിയമ്മയുടെയും മകനായി 1948 ഡിസംബർ 28ന് ജനിച്ചു.

ഭാര്യ : ശ്രീമതി. സാവിത്രി.
മകള്‍ : നീലിചന്ദ്രന്‍

സിപിഐ സംസ്ഥാനസെക്രട്ടറിയറ്റ് അംഗമായ ചന്ദ്രശേഖരന്‍ 2016-ല്‍ ആദ്യമായാണ് നിയമസഭയിലേക്ക് മത്സരിക്കുന്നത്. സൗമ്യനായ ഈ കമ്യൂണിസ്റ്റ് പോരാളി രാഷ്ട്രീയത്തിനതീത സുഹൃത്ത് വലയത്തിന്റെ ഉടമയാണ്. ചന്ദ്രശേഖരന് കെട്ടിവെക്കാനുള്ള തുക പ്രമുഖ സ്വാതന്ത്യ്രസമര സേനാനിയും ഗാന്ധിയന്‍ കമ്യൂണിസ്റ്റുമായ കെ മാധവന്‍ സ്വാതന്ത്യ്രസമര പെന്‍ഷനില്‍ നിന്ന് നല്‍കി. 1969 ല്‍ എഐവൈഎഫിലൂടെയാണ് സംഘടനാ പ്രവര്‍ത്തന രംഗത്തേക്ക് കടന്നുവന്നത്. കാസര്‍കോട് താലൂക്ക് സെക്രട്ടറി, അവിഭക്ത കണ്ണൂര്‍ ജില്ലാ സെക്രട്ടറി, സംസ്ഥാന ജോയിന്റ് സെക്രട്ടറി എന്നീ നിലകളില്‍ പ്രവര്‍ത്തിച്ചു. ഇതിനിടെ സിപിഐ താലൂക്ക് കമ്മറ്റിയംഗം, കണ്ണൂര്‍ ജില്ലാകമ്മിറ്റിയംഗം, കണ്ണൂര്‍ ജില്ലാ സെക്രട്ടറിയറ്റംഗം, സംസ്ഥാന കൗണ്‍സില്‍ അംഗം എന്നീ നിലകളിലേക്ക് ഉയര്‍ന്നു. 1984ല്‍ കാസര്‍കോട് ജില്ല രൂപീകരിച്ചപ്പോള്‍ അസിസ്റ്റന്റ് സെക്രട്ടറിയായി. 1987 മുതല്‍ ജില്ലാ സെക്രട്ടറിയായി. 2005 മുതല്‍ സിപിഐ സംസ്ഥാന സെക്രട്ടറിയറ്റംഗമായി പ്രവര്‍ത്തിക്കുന്നു. സ്വാതന്ത്ര്യസമര സേനാനിയും കമ്യൂണിസ്റ്റ് പാര്‍ടിയുടെ പെരുമ്പളയിലെ ആദ്യകാല സെക്രട്ടറിയുമായിരുന്ന ഇ കെ നായരുടെ സഹോദരി പുത്രനാണ് ചന്ദ്രശേഖരന്‍. പാര്‍ടി അംഗമായ സാവിത്രിയാണ് സഹധര്‍മിണി. ഏക മകള്‍ നീലിചന്ദ്രന്‍ കാഞ്ഞങ്ങാട് നെഹ്റു കോളേജ് ബിഎസ്സി വിദ്യാര്‍ഥിനിയും എഐഎസ്എഫ് ജില്ലാകമ്മിറ്റിയംഗവുമാണ്. ഗ്രാമവികസന ബോര്‍ഡംഗം, കേരള അഗ്രൊ മെഷനറീസ് കോര്‍പറേഷന്‍ (കാംകോ) ഡയറക്ടര്‍, കെഎസ്ആര്‍ടിസി സ്റ്റേജ് പുനര്‍നിര്‍ണയ കമ്മറ്റിയംഗം എന്നീ പദവികള്‍ വഹിച്ചിരുന്നു. നിലവില്‍ സംസ്ഥാന ലാന്‍ഡ് റിഫോംസ് റിവ്യൂ കമ്മിറ്റിയംഗം, ബിഎസ്എന്‍എല്‍ കണ്ണൂര്‍ എസ്എസ്എ അഡ്വൈസറി കമ്മിറ്റിയംഗം എന്നീ സ്ഥാനങ്ങളും വഹിക്കുന്നുണ്ട്. 1979-85 വരെ ചെമ്മനാട് പഞ്ചായത്തംഗമായിരുന്നു.